ნიკა ეგაძე ოლიმპიური თამაშების გუნდურ ტურნირზე მოკლე პროგრამას დღეს შეასრულებს⛸️
სპორტი

ნიკა ეგაძე
ფოტო: ფიგურული ციგურაობის ფედერაცია
ზამთრის ოლიმპიურ თამაშებზე საქართველოს ნაკრების სპორტსმენების გამოსვლა დღესაც გაგრძელდება. ფიგურულ ციგურაობაში გუნდურ ტურნირში მოკლე პროგრამას კაცები შეასრულებენ, მათ შორის ევროპის მოქმედი ჩემპიონი ნიკა ეგაძე. ქართველი მოციგურავე ყინულის მოედანზე მე-8 სასტარტო ნომრით გავა.
პირველი დღის შედეგების გათვალისწინებით საქართველოს ნაკრების ანგარიშზე 20 ქულაა და ჩვენი ნაკრები გუნდურ ჩათვლაში მეოთხე ადგილზეა. შემდეგ ეტაპზე, რომელიც თავისუფალი პროგრამების შესრულებას ითვალისწინებს, 5 საუკეთესო გუნდი გადავა.
კაცთა მოკლე პროგრამა თბილისის დროით 22:45 საათზე დაიწყება.





