საქართველოს საფეხბურთო ეროვნული ნაკრები ესპანეთთან დამარცხდა

საქართველოს საფეხბურთო ნაკრებმა 2026 წლის მსოფლიო ჩემპიონატის შესარჩევი ეტაპის მეხუთე ტურის შეხვედრა გამართა. „დინამო არენაზე“ ჩვენი გუნდის მეტოქე ევროპის ოთხგზის ჩემპიონი, ესპანეთი იყო. მატჩი 0:4 დასრულდა.

საქართველოს ნაკრებს დისკვალიფიცირებული გიორგი ქოჩორაშვილის გარდა, ტრავმირებული ნიკა გაგნიძე და გაბრიელ სიგუა ვერ დაეხმარნენ. ოთარ კაკაბაძე და გიორგი მიქაუტაძე კი გუნდს შეკრების დაწყებამდე გამოაკლდნენ.