ესპანეთის ლიგა ენდესას მეექვსე ტურში გიორგი შერმადინის „ტენერიფემ“ „ბურგოსი“ 101:97 დაამარცხა

ესპანეთის ლიგა ენდესას მეექვსე ტურში გიორგი შერმადინის „ტენერიფემ“ „ბურგოსი“ 101:97 დაამარცხა. გამარჯვებაში მნიშვნელოვანი წვლილი შეიტანა გიორგი შერმადინმა. ქართველმა ცენტრმა 24 წუთში 14 ქულა, 6 მოხსნა, 2 პასი და 1 ჩაჭრა დააგროვა. მან 6-დან 5 ორქულიანი და 4-დან 4 საჯარიმო ჩააგდო, რის შედეგადაც მისი სარგებლიანობის კოეფიციენტი 24-ს გაუტოლდა და მხოლოდ თანაგუნდელ მარსელინო უერტასს ჩამორჩა.

მატჩის დაწყებამდე შერმადინს ლიგა ენდესას ოქტომბრის ემ-ვი-პის ჯილდო გადასცეს. „ტენერიფე“ 5 მოგებით და 1 წაგებით მეორე ადგილზეა, მომდევნო ტურში კი 16 ნოემბერს, „ვალენსიას“ ესტუმრება.