კახა კალაძე სანაპიროსთან დაკავშირებულ შეზღუდვაზე: მტკვარმა გამორეცხა საძირკველი და არის იმის საშიშროება, რომ არამხოლოდ საფეხმავლო ტროტუარი, მთლიანად გზაც ჩაინგრეს. ჩატარდა პრევენციული ღონისძიება, ჩაიკეტა კონკრეტული მონაკვეთი, გზის ერთი ნაწილი, რათა დაწყებულიყო გამაგრებითი სამუშაოები

რაც შეეხება სანაპიროსთან დაკავშირებულ კონკრეტულ შეზღუდვას, მტკვარმა გამორეცხა საძირკველი და არის იმის საშიშროება, რომ არამხოლოდ საფეხმავლო ტროტუარი, მთლიანად გზაც ჩაინგრეს, - განაცხადა გადაცემაში „იმედიLIVE“ თბილისის მერმა კახა კალაძემ.

მისივე თქმით, ჩატარდა პრევენციული ღონისძიება, ჩაიკეტა კონკრეტული მონაკვეთი, გზის ერთი ნაწილი, რათა დაწყებულიყო გამაგრებითი სამუშაოები.

„გასულ წელსაც იყო ანალოგიური პრობლემა, ჩავატარეთ შესაბამისი გამაგრებითი სამუშაოები. დღეს ის კონკრეტული მონაკვეთი უსაფრთხოა, აქაც ძალიან სწრაფად ვიმუშავებთ და ყველაფერს გავაკეთებთ იმისათვის, რომ აღნიშნული გზის მონაკვეთი გადაადგილების თვალსაზრისით უსაფრთხო იყოს.

რუსთაველის გამზირის დამთავრების შემდეგ გვინდა რესპუბლიკის მოედნის სრული მოწესრიგება და განახლება. ამასთან დაკავშირებით საზოგადოებას ინფორმაციას მომავალ წელს მივაწვდით. დღეს საკრებულოში გადავაგზავნეთ 2027 წლის პირველადი ბიუჯეტი, რომელიც არ არის საბოლოო და მოგვიანებით უკვე კონკრეტულად ვილაპარაკებთ იმ პროექტებზე, რომელთა განხორციელებაც დაგეგმილი გვაქვს 2027 წელს“, - აღნიშნა კახა კალაძემ.