გოგა მაჭავარიანი Cityzen Expo-ზე: რომ არ მომხდარიყო მსხვილტანიანი ხეების გადარგვა, ჩვენ თვითონ შენობის ფორმა მოვარგეთ არსებულ ლანდშაფტს. ეს გულისხმობს, რომ შენობის ფორმა აუვლის გვერდს ამ მასიურ ხეებს და ისე განთავსდება ადგილზე

პროექტ Cityzen Expo - ს სამომავლო გეგმებზე „იმედის კვირას“ Cityzen-ის დირექტორი გოგა მაჭავარიანი ესაუბრა.

მისი თქმით, ტერიტორიაზე არსებული შემოსასვლელი გაიწმინდება და დაუბრუნდება პირვანდელი ვიზუალი.

მან ასევე ისაუბრა იმ დაგეგმილ სამუშაოებზე, რომელიც განხორციელდება აღნიშნულ ტერიტორიაზე.

„რომ არ მომხდარიყო მსხვილტანიანი ხეების გადარგვა, ჩვენ თავად შენობის ფორმა მოვარგეთ არსებულ ლანდშაფტს. ეს გულისხმობს, რომ შენობის ფორმა აუვლის გვერდს ამ მასიურ ხეებს და ისე განთავსდება ადგილზე, რათა არ გაჩნდეს ხეების გადარგვის შედეგად მათი დაზიანების რისკი.

ასევე ვიწყებთ მიმდებარე ტერიტორიების განვითარებას და მოლაპარაკებები გვაქვს ჩვენს მომიჯნავე მაცხოვრებლებთან, რომ მათი პირობები გაუმჯობესდეს და მოხდეს ჩვენს კომპლექსში ინტეგრაცია. ეს ყველაფერი გამოიწვევს დიდუბის უბნის შეუქცევად ცვლილებას, განვითარებას, სრულიად ახალ სიცოცხლეს და სრულიად ახალი ღირებულებების ჩამოყალიბებას ამ ტერიტორიაზე“, - აღნიშნა გოგა მაჭავარიანმა.