ლელა რაზიკაშვილი: 2007 წლის 7 ნოემბერს ხელისუფლებამ გადაწყვიტა, რომ ჩექმით გაესრისა მედია. ახლა შევხედოთ დღევანდელ მედიებს, რომლებიც არათუ მხარს უჭერენ, არამედ პირდაპირი მნიშვნელობით ორგანიზებას უწევენ სხვადასხვა ტიპის ძალადობრივ აქციებს

2007 წლის 7 ნოემბერს ხელისუფლებამ გადაწყვიტა, რომ ჩექმით გაესრისა მედია, - განაცხადა გადაცემაში „ღია ეთერი“ ვაჟა-ფშაველას ფონდის ხელმძღვანელმა ლელა რაზიკაშვილმა.

მისი თქმით, დღევანდელი მედიები არათუ მხარს უჭერენ, არამედ პირდაპირი მნიშვნელობით ორგანიზებას უწევდნენ სხვადასხვა ტიპის ძალადობრივ აქციებს.

„ახლა მიდის ამაზე ძალიან დიდი წნეხი საინფორმაციო საშუალებებით და ა.შ. შედარება გავაკეთოთ იმ დროის და ამ დროის. 2007 წლის 7 ნოემბერს ხელისუფლებამ გადაწყვიტა, რომ ჩექმით გაესრისა მედია. ახლა შევხედოთ დღევანდელ მედიებს, რომლებიც არათუ მხარს უჭერენ, არამედ პირდაპირი მნიშვნელობით ორგანიზებას უწევენ სხვადასხვა ტიპის ძალადობრივ აქციებს. მე რომ გადავრთავ ხოლმე, რაღაც ისტერიაა, რაკურსებით - ხალხოოო, მოდით! სასწაული ხდება, ისეთი ილუზიის შექმნა, რომ ასიათასობით ადამიანია. რა თქმა უნდა, ეს უკვე გაიცვითა, დრონები იწევა და ა.შ. ახლა შეადარეთ დამოკიდებულება, დღეს რამდენი ოპოზიციური მედიაა, რამდენი ორგანიზატორი. თუნდაც შეადარეთ მშვიდობიანობის ხარისხი იმისი და დღევანდელის, რა ფრთხილი დამოკიდებულება აქვს ხელისუფლებას და დღევანდელ გარემოს მასთან.

ოპოზიციური კლასტერი ხშირად დაატარებს აქეთ-იქით ვიდეოს, რომ საზოგადოება მიიწევს წინ და სპეცრაზმელები იხევენ უკან. ვინც ამას აზიარებს, ჰგონიათ, რომ ეს მათთვის კარგია. ამ დროს რა ხდება. პოლიცია უკან იხევს ორგანიზებულად, რომ ვინმეს რამე არ დაუშავდეს“, - აღნიშნა მან.