ლაშა აბაშიძე: გამოცხადებულია ანაკლიის ღრმაწყლოვან პორტთან მისასვლელი რკინიგზის ბაზრის კვლევა - ეს „საქართველოს რკინიგზისთვის“ არის საკმაოდ მნიშვნელოვანი პროექტი და მოიცავს 18 კილომეტრიანი მონაკვეთის სრულიად ახალი სარკინიგზო ინფრასტრუქტურის მშენებლობას

ანაკლიის ღრმაწყლოვან პორტთან მისასვლელი სარკინიგზო ხაზი მთლიანობაში 18 კილომეტრიანი, სრულიად ახალი სარკინიგზო ინფრასტრუქტურის მშენებლობას ითვალისწინებს, - აცხადებს „საქართველოს რკინიგზის“ გენერალური დირექტორი, ლაშა აბაშიძე. მისი თქმით, პროექტი მსოფლიო ბანკის დაფინანსებით განხორციელდება.

„უკვე გამოცხადებულია ანაკლიის ღრმაწყლოვან პორტთან მისასვლელი რკინიგზის ბაზრის კვლევა. ეს „საქართველოს რკინიგზისთვის“ არის საკმაოდ მნიშვნელოვანი პროექტი და მოიცავს 18 კილომეტრიანი მონაკვეთის სრულიად ახალი სარკინიგზო ინფრასტრუქტურის მშენებლობას, რომელიც დააკავშირებს ანაკლიის ღრმაწყლოვან პორტს ჩვენს არსებულ მაგისტრალთან. აღნიშნული პროექტის დაფინანსება მოხდება მსოფლიო ბანკის მხარდაჭერით და ასევე ყველა შესყიდვის პროცედურა განხორციელდება მსოფლიო ბანკის მხარდაჭერით“, - განაცხადა ლაშა აბაშიძემ.