„გამმა რისერჩის“ მიერ ჩატარებული კვლევის თანახმად, მსმენელთა დიდი უმეტესობა ინფორმაციას რადიო „იმედის“ ტალღაზე ისმენს

რადიო „იმედი“ უკვე 21 წელია მედია-ბაზარზეა. ორი ათეული წელი არსებობა ასეთ მრავალფეროვან კონკურენციაში, ცოტა არ არის, თუკი ამას მყარი და ხშირი ლიდერობაც ემატება.

რადიო „იმედი“ კი წელსაც ლიდერია. „გამმა რისერჩის“ მიერ ჩატარებული კვლევის თანახმად, მსმენელთა დიდი უმეტესობა ინფორმაციას სწორედ რადიო „იმედის“ ტალღაზე ისმენს.

„კვლევა ჩატარდა ერთი თვის განმავლობაში. გამოიკითხა 950-მდე რესპონდენტი, შედეგები როგორც ჩვენთვის მოსალოდნელი იყო ცალსახად დაიდო, რომ საინფორმაციო სივრცეში რადიო „იმედი“ არის ლიდერი. ვთვლი, რომ ეს მთლიანად, ჩვენი გუნდის დამსახურებაა“, - აცხადებს რადიო „იმედის“ დირექტორი, ზურაბ ნაყეური.

„სხვა რადიო, სადაც ასე ფართოდ შუქდება ყველა ის საკითხი, რაც ძალზე აქტუალურია, მე არ მეგულება საქართველოში. ამ მხრივ რადიო „იმედის“ ფორმატი ნამდვილად უნიკალური და განსაკუთრებულია“, - აღნიშნავს რადიო „იმედის“ წამყვანი, ხატია მოისწრაფიშვილი. .