ვაკეში სასწრაფო დახმარების მანქანა მუშებს დაეჯახა: დაიღუპა ერთი ადამიანი, 12 კი დაშავდა

თბილისში, ჭავჭავაძის გამზირზე სასწრაფო დახმარების მანქანა მშენებლობაზე დასაქმებულ მუშებს დაეჯახა.

შედეგად 1 ადამიანი დაიღუპა, 12 კი დაშავდა. დაშავებულები საავადმყოფოში გადაიყვანეს. მომხდარის მიზეზი ჯერჯერობით უცნობია.

როგორც imedinews-ს შსს-ში განუცხადეს, საქმეზე გამოძიება 276-ე მუხლის მეხუთე ნაწილით მიმდინარეობს, რაც ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს, რამაც ადამიანის სიცოცხლის მოსპობა გამოიწვია.