გიორგი ბარამიძის ბრალდების საქმეს სამშობლოს ღალატის შესახებ სასამართლო განიხილავს

გიორგი ბარამიძის ბრალდების საქმეს სამშობლოს ღალატის შესახებ სასამართლო განიხილავს. მტკიცებულებების დართვის შესახებ იმსჯელეს. ბარამიძე რიტორიკას არც დაკავების შემდეგ ცვლის.

„თუ ვინმემ ისე გაიგო, რომ გამწარებული ხალხი მოწინააღმდეგეს ესროდა, კლავდა და ვიხმარე სიტყვა ხვრეტდა, სინონიმია „კლავდა“-სი და ასოციაციაში ბევრი რამე იგულისხმება. რაც ვილაპარაკე, იყო ომის მწარე ამბავი და სიმართლე. მწარე სიმართლე ვთქვი. მოგმართავთ, ეს პოლიტიკურად მოტივირებული საქმე ახლავე შეწყვიტოთ და ზომები გაატაროთ იმ ადამიანების მიმართ, ვინც ამ ცილისმწამებლური საქმის ავტორია", - აცხადებს ბარამიძე.

ცნობისთვის, სამშობლოს ღალატის ბრალდებით დაკავებულ გიორგი ბარამიძეს 2-დან 4 წლამდე პატიმრობა ემუქრება. მის წინააღმდეგ გამოძიება ომის ვეტერანების მიმართვის საფუძველზე დაიწყო. ბარამიძემ, იაგო ხვიჩიას გადაცემაში, ქართველ სამხედროებს აფხაზეთის კონფლიქტისას ტყვეების დახვრეტა დააბრალა.