პირველი და მეორე ინსტანციის სასამართლოების მოსამართლის თანამდებობაზე საბჭოში უკვე 68 კანდიდატია დარეგისტრირებული

იუსტიციის უმაღლესი საბჭოს მდივნის, გიორგი მიქაუტაძის განცხადებით, პირველი და მეორე ინსტანციის სასამართლოების მოსამართლის თანამდებობაზე საბჭოში უკვე 68 კანდიდატია დარეგისტრირებული.

„დღეს ვიწყებთ უკვე გასაუბრებას მიმდინარე კონკურსის ფარგლებში მოსამართლეობის კანდიდატებთან, 68 კანდიდატია დარეგისტრირებული და საბჭო თითოეულ მათგანს გაესაუბრება. დღევანდელ სხდომაზე 12 კანდიდატია გამოძახებული და საბჭოს ყველა წევრს შესაძლებლობა ექნება, თითოეულ კანდიდატს თავისთვის სასურველი კითხვები დაუსვას. ძირითადი კრიტერიუმები არის კომპეტენტურობა და კეთილსინდისიერება, რომელიც ასევე ქვეკრიტერიუმებად არის კანონში ჩაშლილი. თითოეული კანდიდატის ირგვლივ შეგროვებულია ყველა სახის ინფორმაცია, რომლის მოძიებაც შესაძლებელი იყო შესაბამისი ორგანოებიდან, ასევე საჯარო სივრციდან და საბჭოს წევრები ფლობენ უკვე ამ ინფორმაციას“ - განაცხადა გიორგი მიქაუტაძემ.

უზენაესი სასამართლოს მოსამართლის ცხრა ვაკანსიაზე განცხადებები ელექტრონული ფორმით დღეიდან 29 ოქტომბრის ჩათვლით მიიღება.