ბოლნისის მუნიციპალიტეტის მერმა ზამურ ჭითანავამ 2025-2026 სასწავლო წლის წარმატებული სპორტსმენები დააჯილდოვა

ბოლნისის მუნიციპალიტეტის მერმა ზამურ ჭითანავამ 2025-2026 სასწავლო წლის წარმატებული სპორტსმენები დააჯილდოვა. ღონისძიებაზე წუთიერი დუმილით პატივი მიაგეს ბოლნისის საპატიო მოქალაქისა და ანსამბლ „იმედის“ ხელმძღვანელის, ლაურა დურგლიშვილის, აგრეთვე გარდაცვლილი სპორტსმენების, გიორგი მიქაცაძისა და ნინი მამარდაშვილის ხსოვნას.

მერმა ზამურ ჭითანავამ და მერის პირველმა მოადგილე ალექსანდრე ზაბახიძემ, სპორტსმენებს სიტყვით მიმართეს, სპორტის განვითარებასა და პოპულარიზაციაში შეტანილი წვლილისთვის მადლობა გადაუხადეს და წარმატებები უსურვეს, ასევე, მოქმედ და ვეტერან სპორტსმენებს, მწვრთნელებსა და ორგანიზაციების ხელმძღვანელებს საკრებულოს თავმჯდომარე, გიორგი სვანიძესთან ერთად მადლობის სიგელები და თასები გადასცეს.

ღონისძიების ფარგლებში ნომინაციებში გამარჯვებული სპორტსმენებიც დაჯილდოვდნენ.

ღონისძიებას ასევე ესწრებოდნენ ბოლნისის მუნიციპალიტეტის მერიის ადმინისტრაციული სამსახურის უფროსი გიორგი გასვიანი, მერიის განათლების, კულტურისა და სპორტის სამსახურის უფროსი კობა ჟღენტი, საკრებულოს თავმჯდომარის მოადგილე ნონა რეხვიაშვილი და საკრებულოს სოციალურ საკითხთა კომისიის თავმჯდომარე ნონა ყაველაშვილი.

ინფორმაციას ბოლნისის მუნიციპალიტეტის მერია ავრცელებს.