ზუგდიდის ვიცემერად გეგა შენგელია დაინიშნა

„თიბისი ბანკის“ ზუგდიდის ფილიალის ხელმძღვანელი, გეგა შენგელია ზუგდიდის ვიცემერად დაინიშნა. ამის შესახებ ინფორმაცია მან Imedinews-ს დაუდასტურა.

შენგელიას თქმით, ბრძანებას ხელი დღეს მოეწერა.

„კონკრეტულ გეგმებზე მოგვიანებით ვისაუბრებ, თუმცა, შემიძლია გითხრათ, რომ სასიკეთო ძვრები იგეგმება და მოხარული ვარ, რომ ამაში მივიღებ მონაწილეობას", - აღნიშნა შენგელიამ.

მისივე თქმით, უფლება-მოვალეობის შესრულებას ხვალიდან შეუდგება.