გიორგი ვოლსკი: ვერც ALDE და ვერც სხვა ვერ ასახელებს, ვინ არის ე.წ. თვითნებურად დაკავებული, ან რაში მდგომარეობს დემოკრატიის უკუსვლა

ვერც „ალდე“ და ვერც სხვა ვერ ასახელებს ვინ არის ე.წ. თვითნებურად დაკავებული, ან რაში მდგომარეობს დემოკრატიის უკუსვლა, - განაცხადა საქართველოს პარლამენტის თავმჯდომარის პირველმა მოადგილემ.

გიორგი ვოლსკი გამოეხმაურა ALDE-ს მორიგ რეზოლუციას.

„აქვთ გარკვეული ამოცანა, გარკვეული მოკავშირეები ჰყავთ საქართველოში და მათთვის მისაღებია ექსტრემისტული პროცესების განვითარება. მათთვის ერთი მთავარი ამოცანაა, თავის მოკავშირე კონკრეტულ ქვეყანაში ჰყავდეთ ჩანერგილი აგენტი, რომელიც მოქმედებს იმ პრინციპებით, დავალებებითა და ამოცანებით, რომლებიც ამ პოლიტიკურ ჯგუფებს აქვთ“, - აღნიშნა ვოლსკიმ.

საქართველო უშინაარსო და საფუძველს მოკლებული რეზოლუციებით აღარ იმართება - ასეთია „ქართული ოცნების“ პასუხი ALDE-ს მორიგ რეზოლუციაზე, რომლითაც სასამართლო პროცესებზე დაკვირვებას ითხოვს, ასევე მოუწოდებს ევროკავშირსა და სხვა სახელმწიფოებს, საქართველოსთან ურთიერთობისთვის ჰქონდეთ წინაპირობა, ციხიდან მსჯავრდებულების გათავისუფლება.