გიორგი კახიანი საკონსტიტუციო სასამართლოში მიმდინარე პროცესზე: სასამართლო კითხვებით მიმართავს უკვე მოპასუხე მხარეებს. იქნება მოთხოვნა, სამართლებრივად დაასაბუთონ თავისი პოზიციები და ძალიან საინტერესო იქნება ჩვენთვის ამის მოსმენა იმიტომ, რომ სამართლებრივი პოზიციები და არგუმენტები მათ ფაქტობრივად, არ აქვთ

საქართველოს პარლამენტის თავმჯდომარის მოადგილე გიორგი კახიანი ხუთი ოპოზიციური პარტიის აკრძელვის შესახებ საკონსტიტუციო სასამართლოში მიმიდნარე პროცესზე საუბრობს. მისი თქმით, საინტერესო იქნება მოპასუხე მხარის პოზიციების სამართლებრივი დასაბუთების მოსმენა.

„ჩვენ ჩვენი სამართლებრივად დასაბუთებული პოზიცია წარმოვაჩინეთ. სასამართლო კითხვებით მიმართავს უკვე მოპასუხე მხარეებს. იქნება მოთხოვნა, სამართლებრივად დაასაბუთონ თავისი პოზიციები და ძალიან საინტერესო იქნება ჩვენთვის ამის მოსმენა იმიტომ, რომ რეალურად სამართლებრივი პოზიციები და არგუმენტები მათ ფაქტობრივად, არ აქვთ”, - განაცხადა კახიანმა.

ხუთი ოპოზიციური პარტიის აკრძალვის თაობაზე კონსტიტუციური სარჩელის განხილვა საკონსტიტუციო სასამართლოში დღეს 12:00 საათიდან განახლდება.