ირაკლი კობახიძე: საქართველო სოლიდარობას უცხადებს ბულგარეთს და ბულგარელ ხალხს გლოვის დღესთან დაკავშირებით, თანავუგრძნობთ ავტომაგისტრალზე მომხდარი ტრაგიკული ავტოსაგზაო შემთხვევების შედეგად დაღუპულთა ოჯახებსა და ახლობლებს, დაშავებულებს კი სწრაფ გამოჯანმრთელებას ვუსურვებთ

საქართველო სოლიდარობას უცხადებს ბულგარეთს და ბულგარელ ხალხს გლოვის დღესთან დაკავშირებით, - ამის შესახებ პრემიერ-მინისტრი ირაკლი კობახიძე სოციალურ ქსელ X-ზე წერს.

მთავრობის მეთაური თანაუგრძნობს ავტოსაგზაო შემთხვევების შედეგად დაღუპულთა ოჯახებსა და ახლობლებს, დაშავებულებს კი სწრაფ და სრულ გამოჯანმრთელებას უსურვებს.

„გულწრფელად თანავუგრძნობთ ავტომაგისტრალზე მომხდარი ტრაგიკული ავტოსაგზაო შემთხვევების შედეგად დაღუპულთა ოჯახებსა და ახლობლებს, დაშავებულებს კი სწრაფ და სრულ გამოჯანმრთელებას ვუსურვებთ“, - აღნიშნავს პრემიერ-მინისტრი.

ბულგარეთის სამხრეთ-აღმოსავლეთ ნაწილში, ნისლიან საავტომობილო გზაზე ორივე მიმართულებით ათობით ავტომობილის მონაწილეობით მომხდარი მასშტაბური ავარიის შედეგად, სულ მცირე, 10 ადამიანი დაიღუპა.