დავით ქართველიშვილი: როდესაც წესით გათვალისწინებული 20 ლარის სანაცვლოდ პენსიას ერთბაშად 45 ლარით ზრდიან, ეს პენსიონერისთვის უკვე საგრძნობი თანხაა და არა უბრალოდ „ფორმალობისთვის“ გაკეთებული ნაბიჯი

„ხალხის ძალის“ წევრი დავით ქართველიშვილი, პრემიერ -მინისტრის ინიციატივას პენსიის გაზრდასთან დაკავშირებით სოციალურ ქსელში ეხმიანება და აღნიშნავს, რომ 70 წლამდე ასაკის პენსიონერებისთვის პენსიის 45 ლარით მატება, ნაცვლად გათვალისწინებული 20 ლარისა, ხანდაზმულებისთვის დამატებითი ფინანსური დახმარებაა.

როგორც ქართველიშვილი აღნიშნავს, ძალიან დადებითია თვითონ მიდგომა: მშრალი ფორმულებისა და მინიმალური გაცემების ნაცვლად, მთავრობამ იპოვა შესაძლებლობა, ბიუჯეტი ხალხის სასარგებლოდ გადაეწყო - როდესაც ხელისუფლება ხედავს, თუ როგორ ცხოვრობს ხალხი სინამდვილეში.

მისივე თქმით, ასეთ აშკარა პლუსსაც კი ოპოზიციონერი კრიტიკოსები სავარაუდოდ ხელისუფლების წინააღმდეგ შემოაბრუნებენ - რადგან მათი მთავარი ამოცანა ნებისმიერ, ხალხისთვის ყველაზე პოზიტიურ სიახლეშიც კი, ნეგატივის პოვნაა.

„როდესაც წესით გათვალისწინებული 20 ლარის სანაცვლოდ პენსიას ერთბაშად 45 ლარით ზრდიან, ეს პენსიონერისთვის უკვე საგრძნობი თანხაა და არა უბრალოდ „ფორმალობისთვის“ გაკეთებული ნაბიჯი. მაღაზიაში, აფთიაქსა თუ კომუნალურების გადახდისას დამატებითი 25 ლარი რეალური დახმარებაა, განსაკუთრებით ახლა, როცა ფასები ადგილზე არ ჩერდება. სასიამოვნოა იმის დანახვა, რომ 70 წლამდე ასაკის ადამიანები არ დაივიწყეს და იმაზე მეტად მხარდაჭერა გადაწყვიტეს, ვიდრე თავიდან იყო დაგეგმილი.

ბიუჯეტიდან დამატებით 128 მილიონი ლარის გამოყოფა სერიოზული გადაწყვეტილებაა, მაგრამ მთავარი ისაა, რომ ეს ფული არ „დაიკარგება“. პენსიონერები თანხას ბანკში მომავლისთვის კი არ ინახავენ, არამედ ეგრევე ბრუნვაში უშვებენ: ყიდულობენ პროდუქტებს, მედიკამენტებს, ეხმარებიან შვილებსა და შვილიშვილებს. გამოდის ორმაგი სარგებელი: ხანდაზმულებსაც ცოტათი მაინც შეუმსუბუქდებათ ცხოვრება და ეს ფული პირდაპირ ეკონომიკაში წავა, რაც ადგილობრივ მოვაჭრეებსა და მწარმოებლებს შეუწყობს ხელს.

ძალიან დადებითია თვითონ მიდგომა: მშრალი ფორმულებისა და მინიმალური გაცემების ნაცვლად, მთავრობამ იპოვა შესაძლებლობა, ბიუჯეტი ხალხის სასარგებლოდ გადაეწყო - როდესაც ხელისუფლება ხედავს, თუ როგორ ცხოვრობს ხალხი სინამდვილეში. გვინდა ვიქონიოთ იმედი, რომ ასეთი სასიამოვნო სიახლეები კარგ ტრადიციად იქცევა. მიუხედავად ამისა, დარწმუნებულო ვარ - ასეთ აშკარა პლუსსაც კი ოპოზიციონერი კრიტიკოსები სავარაუდოდ ხელისუფლების წინააღმდეგ შემოაბრუნებენ. რადიკალური ოპონენტები მაინც იტყვიან, რომ 45 ლარი „ზღვაში წვეთია“ საერთო ფასების ზრდის ფონზე, ხოლო თვითონ გადაწყვეტილებას წინასაარჩევნო მოსყიდვას ან გადასახადის გადამხდელების ხარჯზე გაკეთებულ პოპულიზმს დაარქმევენ - რადგან მათი მთავარი ამოცანა ნებისმიერ, ხალხისთვის ყველაზე პოზიტიურ სიახლეშიც კი, ნეგატივის პოვნაა“, - წერს ქართველიშვილი.