საფრანგეთში სკოლის მოსწავლეებისა და სტუდენტების პროტესტი გრძელდება. „იმედის კვირის“ რეპორტაჟი

საფრანგეთში სკოლის მოსწავლეებისა და სტუდენტების პროტესტი გრძელდება - განათლების რეფორმის მოთხოვნით დაწყებულ აქციებზე, ქვეყნის მასშტაბით, 7 000-ზე მეტი დაკავებულია, მათი უდიდესი ნაწილი არასრულწლოვანია. სკოლის მოსწავლეებსა და სტუდენტებს საფრანგეთის ქალაქებში 1 000-მდე საგანმანათლებლო დაწესებულება აქვთ ბლოკირებული.

აქციები ქვეყნის მასშტაბით, პოლიციასთან დაპირისპირების ფონზე მიმდინარეობს. ასობით დაშავებულს შორის არის 14 წლის მოზარდი, რომელსაც ცრემლსადენი გაზის ყუმბარის მოხვედრის შედეგად ყბა მოტყდა; 15 წლის მოზარდი, რომელმაც ხელის მტევანი დაკარგა და 2 ადამიანს დაუზიანდა თვალი.

პროტესტი გრძელდება ბელგიაშიც, სადაც ასევე, სამართალდამცველებთან შეტაკებებია.

ძალადობის ეს მასშტაბი არავის დაუგმია. განსაკუთრებით მათ, ვინც საქართველოში პოლიციელების ცოცხლად დაწვის მცდელობისთვის აქციის მონაწილეებს ახალისებდნენ.