პეტრე მამრაძე: ჩემთვის წყალგამყოფი იყო ევროკავშირის კონსტიტუციის ჩავარდნა, რომელსაც წლების ამზადებდნენ, ეს იყო შოკი. შემდეგ იყო ლისაბონის ხელშეკრულება 2007-2009 წლები, ეს ფუნდამენტური ადამიანური უფლებები, რომელიც სწყდებოდა კულტურას და ტრადიციებს ისეთი გზით, რომელიც აღარ იყო შეთანხმებული მოსახლეობასთან

ჩემთვის წყალგამყოფი იყო ევროკავშირის კონსტიტუციის ჩავარდნა, რომელსაც წლების განმავლობაში ამზადებდნენ, ეს იყო შოკი. შემდეგ იყო ლისაბონის ხელშეკრულება 2007-2009 წლები, ეს ფუნდამენტური ადამიანური უფლებები, რომელიც სწყდებოდა კულტურას და ტრადიციებს ისეთი გზით, რომელიც აღარ იყო შეთანხმებული მოსახლეობასთან, - განაცხადა გადაცემაში „EURO ანატომია“ „ერთიანი ნეიტრალური საქართველოს“ წევრმა პეტრე მამრაძემ ევროკავშირის რღვევაზე საუბრისას.

მისივე თქმით, იგრძნობა დიდი კორპორაციების უხილავი ხელი.

„მაგალითად, ნობელის პრემიის ლაურეატები ეკონომიკაში ერთხმად წერენ, რომ ეროვნული სუვერენიტეტის ერთ-ერთი ნიშანია, როდესაც შენი ფული გაქვს და განკარგავ. საერთო ვალუტის შემოღებამ კი შექმნა დიდი პრობლემები ჯერ კიდევ წლების წინ. საბერძნეთის კრიზისი გვახსოვს და ყველა ამბობდა, რომ საბერძნეთს საკუთარი ვალუტა რომ დარჩენოდა, დევალვაციას მოახდენდა და ევროკავშირს არ შეეხებოდა.

ტრაგიკული ვითარებაა უკონტროლო მიგრაციასთან დაკავშირებით. არ შემოიყვან იმდენს, რაც საჭიროა სამუშაო ძალად, როცა შობადობა არ არის და პენსიებსაც ვერ გასცემ. კვოტები რომ გამოაცხადო ევროპარლამენტში, რომ უნდა გაიზარდოს, იქ მხარს არ დაგიჭერენ. გამოსავალი არალეგალური მიგრაციაა, რაზეც თვალს ხუჭავენ.

ნაწილობრივ ეს მდგომარეობა უსრულა ფონ დერ ლაიაენის ბრალია. მან თავის ჰაბიტუსით და ქცევით შემოიტანა, რომ „ჩვენ ვიცით, როგორც არის საჭირო და სხვებს ვერ ვკითხავთ“. ბოლო წლებში ქვეყნებში იმდენად გაიზარდა გაღიზიანება ევროკომისიის, ბრიუსელის დიქტატით, რომ ახლა უკვე ევროპარლამენტარები იძულებულებიც არიან, ამოიღონ ხმა“, - აღნიშნა პეტრე მამრაძემ.