არჩილ გორდულაძე ბახმაროში გამართულ შეხვედრაზე, რომელიც ევროპის საბჭოს მხარდაჭერით გაიმართა: კიდევ უფრო მეტი სკანდალი იქნება, თუ აღმოჩნდება, რომ ევროსაბჭო არ სცემს პატივს მისი წევრი ქვეყნის კანონმდებლობას და კანონმდებლობის გვერდის ავლით ცდილობს რადიკალი, ე.წ. პოლიტიკოსი დააფინანსოს

კიდევ უფრო მეტი სკანდალი იქნება, თუ [აღმოჩნდება, რომ] ევროსაბჭო არ სცემს პატივს მისი წევრი ქვეყნის კანონმდებლობა, - განაცხადა იურიდიულ საკითხთა კომიტეტის თავმჯდომარემ არჩილ გორდულაძემ „ქრონიკასთან“ ბახმაროში გამართული შეხვედრის შესახებ, რომელიც ევროპის საბჭოს მხარდაჭერით, არმაზ ახვლედიანის ორგანიზებით გაიმართა.

მისი თქმით, არმაზ ახვლედიანი არის პირი, რომელიც არ ცნობს კონსტიტუციურ ორგანოებს, ქართველი ხალხის მიერ არჩეული მთავრობის ლეგიტიმაციას.

„არმაზ ახვლედიანი არის პირი, რომელიც „ნაციონალური მოძრაობის“ სიით გავიდა და გახდა პარლამენტის წევრი. ერთ-ერთი რადიკალი, ექსტრემისტი და პოლიტიკოსია, რომელიც არ ცნობს კონსტიტუციურ ორგანოებს, ქართველი ხალხის მიერ არჩეული მთავრობის ლეგიტიმაციას და ამ ყველაფერს აფინანსებს ევროსაბჭო. ეს არის ჩვეულებრივი სკანდალი.

კიდევ უფრო მეტი სკანდალი იქნება, თუ [აღმოჩნდება, რომ] ევროსაბჭო არ სცემს პატივს მისი წევრი ქვეყნის კანონმდებლობას და კანონმდებლობის გვერდის ავლით ცდილობს რადიკალი, ე.წ. პოლიტიკოსი დააფინანსოს“, - აღნიშნა გორდულაძემ.

ცნობისთვის, ბახმაროში გამართულ სემინარს, რომელიც ევროსაბჭოს მხარდაჭერით გაიმართა, აუდიტის სამსახური შეისწავლის.