თორნიკე ჭეიშვილი თავისუფალ მედიაზე თავდასხმაზე: სიმბოლურიც კი არის ის, რომ ოკუპაციიდან 105 წლისთავზე კვლავაც ეს გამოწვევები დგას დღის წესრიგში, თუმცა მთელი ქართული საზოგადოება მზად ვართ იმისთვის, რომ ეს გამოწვევა მივიღოთ სათანადოდ
პოლიტიკა

თორნიკე ჭეიშვილი
ფოტო: საქართველოს პარლამენტი
სოლიდარობას ვუცხადებ ტელეკომპანია „იმედს“ და „პოსტივის“. ბევრ რამეზე მეტყველებს ეს გარემოება, ტელეკომპანია „იმედი“ არის ფლაგმანი ქართულ სატელევიზიო სივრცეში, ამას ადასტურებს შესაბამისი სტატისტიკური მონაცემები, ის ფართო აუდიტორია, რომელიც „იმედის“ ერთგული მაყურებელია, - განაცხადა იურიდიულ საკითხთა საპარლამენტო კომიტეტის თავმჯდომარის პირველმა მოადგილემ თორნიკე ჭეიშვილმა თავისუფალ მედიაზე თავდასხმაზე საუბრისას.
მისივე თქმით, ძალიან მიზანმიმართული იყო ის თავდასხმა, რომელიც განხორციელდა დიდი ბრიტანეთის მხრიდან.
„მათ ამით სურთ პირდაპირ ჩაახშონ თავისუფალი სიტყვა ქართულ მედია სივრცეში, რაც არის მათთვის შემდგომი ნაბიჯების გადადგმის საშუალება. ამ შემთხვევაში ვგულისხმობ არა მხოლოდ ბრიტანეთს, არამედ იმ ძალებს, რომლებიც ბრიტანეთის უკან დგანან და ყველანაირად ცდილობენ, რომ საქართველოში მოახდინონ იმგვარი პროპაგანდისტული ინფორმაციის ტირაჟირება, რომელიც იქნება აცდენილი რეალობას და მათ საშუალებას მისცემს, რომ საზოგადოება შეცდომაში შეიყვანონ და ინფორმაციის ფონზე მიაღწიონ იმ მიზნებს, რაც საბოლოო ჯამში გულისხმობს, როგორც ხელისუფლების შეცვლას, ისე საფუძვლების მორყევას.
სიმბოლურიც კი არის ის, რომ ოკუპაციიდან 105 წლისთავზე კვლავაც ეს გამოწვევები დგას დღის წესრიგში, თუმცა მთელი ქართული საზოგადოება მზად ვართ იმისთვის, რომ ეს გამოწვევა მივიღოთ სათანადოდ“, - აღნიშნა თორნიკე ჭეიშვილმა.





