ლევან ნიკოლეიშვილი ლილუაშვილის საქმეზე: ყველაზე მთავარი და საინტერესო ის არის, რომ ამას ის თავისი აგენტის, ე.წ. ანიტა ხაბეიშვილის, იგივე ლევან ხაბეიშვილის მეშვეობით

გრიგოლ ლილუაშვილის სქემაზე ნეიტრალური საქართველო ლაპარაკობს. ამბობენ, რომ სქემებში ლილუაშვილი ხაბეიშვილის დახმარებით მოქმედებდა. სქემაში ჩართული იყო ოპოზიციური მედიაც, რომელსაც სუსის ყოფილი უფროსი აფინანსებდა. ნეიტრალურ საქართველოში ხაბეიშვილის აქტიურობას გათამაშებულ სცენარს უწოდებენ.

„ყველაზე მთავარი და საინტერესო ის არის, რომ ამას ის თავისი აგენტის, ე.წ. ანიტა ხაბეიშვილის, იგივე ლევან ხაბეიშვილის მეშვეობით. აქტიურობდა მხოლოდ იმ ნაწილში, რაც მისთვის იყო საინტერესო, მაგრამ მეორე ნაწილში, რაც მას აწყობდა და რაც ოპოზიციას და ამ რადიკალურ ძალებს ეხმარებოდა, იქ რაღაც ირიბი ქმედებები ხორციელდებოდა, რაც კიდევ ერთხელ ადასტურებს იმას, რომ ეს ადამიანები ურთიერთკავშირში იყვნენ ერთმანეთთან.

ეს იყო ფარსი, რომ თითქოს ვიღაცას რაღაცას აბრალებ და ამავდროულად მეორე მხარეს გაქვს შენიღბული თამაში იმ მიმართულებით, რომ ვინც შენს მხარესაა და შენი დამფინანსებელია, იმას პირდაპირი დარტყმა არ მიაყენო“, - აცხადებს ლევან ნიკოლეიშვილი.