ვარლამ ლიპარტელიანი: ჩინეთში შეხვედრები გვქონდა ყველა მიმართულებით, განსაკუთრებით გამოვყოფდი ახალგაზრდულ მიმართულებას - იყო საუბარი, რომ ჩინელი ახალგაზრდები ჩამოვიდნენ, მოხდეს გაცვლითი პროგრამები საგანმანათლებლო, კულტურული, სპორტული კუთხით

ჩინეთში გვქონდა შეხვედრები ყველა მიმართულებით, განსაკუთრებით გამოვყოფდი ახალგაზრდულ მიმართულებას. ვიცით, რომ მიმდინარეობს მოლაპარაკება მემორანდუმის გაფორმებასთან დაკავშირებით. იმედს ვიტოვებთ, რომ მომავალ წელს აუცილებლად გაფორმდება მემორანდუმი, - განაცხადა „ქართული ოცნების“ ახალგაზრდული ორგანიზაციის თავმჯდომარემ, ვარლამ ლიპარტელიანმა.

„აღსანიშნავია ის ფაქტი, რომ მომავალ წელს აუცილებლად ჩამოვალთ ფორუმზე, ჩვენი ახალგაზრდები მიიღებენ მონაწილეობას. ასევე იყო საუბარი, რომ ჩინელი ახალგაზრდები ჩამოვიდნენ, მოხდეს გაცვლითი პროგრამები საგანმანათლებლო, კულტურული, სპორტული კუთხით. ვფიქრობ, ეს ძალიან სასიამოვნოა და კარგია, რადგან დიდ გამოცდილებას მიიღებენ ჩვენი ახალგაზრდები მომავალში და ეს მხოლოდ წაადგება ორი ქვეყნის ურთიერთობას.

ასევე შეხვედრები გვქონდა ტექნოლოგიების მიმართულებით და ვიტყოდი, რომ დადებითად ჩაიარა ჩვენმა ვიზიტმა ჩინეთში. იმედი მაქვს, სამომავლოდ კიდევ უფრო დაახლოვდება ორი ერი და მეტ ურთიერთობას ვიქონიებთ ჩინეთთან“, – განაცხადა ლიპარტელიანმა.