რატი იონათამიშვილი: საერთაშორისო საზოგადოება კარგად ხედავს, როგორც კი ჩნდება იმის შანსები, რომ სამშვიდობო შეთანხმება შედგეს, მაშინვე ეს ე.წ. მსურველთა კოალიცია აკეთებს ყველაფერს იმისთვის, რათა ისევ ომის რიტორიკა იყოს დღის წესრიგში

საერთაშორისო საზოგადოება კარგად ხედავს, როგორც კი ჩნდება იმის შანსები, რომ სამშვიდობო შეთანხმება შედგეს, მაშინვე ეს ე.წ. მსურველთა კოალიცია აკეთებს ყველაფერს იმისთვის, რათა ისევ ომის რიტორიკა იყოს დღის წესრიგში, - ასე შეაფასა „ქრონიკასთან“ საუბრისას ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა შეერთებული შტატების ეროვნული დაზვერვის დირექტორის განცხადება. კერძოდ, ტულსი გაბარდის თქმით, ევროკავშირსა და ნატოს სურთ ამერიკა რუსეთთან პირდაპირ კონფლიქტში ჩაითრიონ, რაც არ უნდა დაუშვან და ისინი ამისთვის აღვივებენ შიშსა და ისტერიას.

როგორც რატი იონათამიშვილმა აღნიშნა, როგორც ჩანს ამ ბიუროკრატებმა საკუთარ მიზნად გაიხადეს, რომ ეს ომი, ეს ტრაგედია რაც შეიძლება გრძელვადიან პირობებში გაგრძელდეს.

„საერთაშორისო საზოგადოება კარგად ხედავს, როგორც კი ჩნდება იმის შანსები, რომ სამშვიდობო შეთანხმება შედგეს, მაშინვე ეს ე.წ. მსურველთა კოალიცია აკეთებს ყველაფერს იმისთვის, რათა ისევ ომის რიტორიკა იყოს დღის წესრიგში და მშვიდობა იყოს უარყოფილი.

როგორც ჩანს ამ ბიუროკრატებმა საკუთარ მიზნად გაიხადეს, რომ ეს ომი, ეს ტრაგედია რაც შეიძლება გრძელვადიან პირობებში გაგრძელდეს. ამ ყველაფრის ფონზე კიდევ ერთხელ გვმართებს დაფიქრება იმაზე, რის ფასად და რა ძალების ზეწოლის მიუხედავად მოვახერხეთ, რომ ჩვენ მშვიდობა შეგვენარჩუნებინა ჩვენს ქვეყანაში“, - აღნიშნა რატი იონათამიშვილმა.