2026 წლის ქვეყნის მთავარი ფინანსური დოკუმენტი საფინანსო-საბიუჯეტო კომიტეტის სხდომაზე დღეს განიხილება
პოლიტიკა

ფოტო: IMEDI/ვიდეოკადრი
2026 წლის ქვეყნის მთავარი ფინანსური დოკუმენტი პარლამენტის საფინანსო-საბიუჯეტო კომიტეტის სხდომაზე დღეს განიხილება. დეპუტატები, 2026-2029 წლებში ქვეყნის ძირითადი მონაცემებისა და მიმართულებების საბოლოო ვარიანტებს საქართველოს ფინანსთა მინისტრის პირველ მოადგილესთან ერთად განიხილავენ.
2026 წლის ბიუჯეტი 3 მილიარდითაა გაზრდილი. პრიორიტეტული მიმართულებებია - სოციალური, განათლების, კულტურისა და სპორტის, თავდაცვისა და უსაფრთხოების მიმართულება, ინფრასტრუქტურა, მცირე და საშუალო ბიზნესის ხელშეწყობა, სოფლის მეურნეობა და სხვა.
2026 წლის ბიუჯეტის ფარგლებში გაიზრდება პენსიები, საჯარო სექტორში დასაქმებულთა ხელფასებიც. სახელმწიფო ბიუჯეტის დოკუმენტის საბოლოო ვერსიას პარლამენტი მიმდინარე თვეში დაამტკიცებს.




