შალვა პაპუაშვილი მიხაილო პოდოლიაკის განცხადებაზე: ჩვენ ვხედავთ იმ არამეგობრულ დამოკიდებულებას, რომელიც უკრაინის ხელისუფლებას ქართველი ხალხის მიმართ გააჩნია

ჩვენ ვხედავთ იმ არამეგობრულ დამოკიდებულებას, რომელიც უკრაინის ხელისუფლებას ქართველი ხალხის მიმართ გააჩნია, - თქვა საქართველოს პარლამენტის თავმჯდომარემ შალვა პაპუაშვილმა მიხაილო პოდოლიაკის განცხადებაზე საუბრისას.

მისივე შეფასებით, ეს არის დიდი უმადურობა უკრაინის ხელისუფლების მხრიდან.

„უკრაინის ხელისუფლებამ ერთ-ერთი ქვეყნის პრეზიდენტის კაბინეტში ერთხელ უკვე მიიღო შენიშვნა მადლიერებასთან დაკავშირებით, რომ როდესაც მათ გვერდში უდგანან, მადლიერება უნდა გამოხატონ იმ ხელისუფლებების მიმართ. სამწუხაროდ, ზელენსკის ხელისუფლება გამოირჩევა ქართველი ხალხის მიმართ უმადურობით. ის მხარდაჭერა, რომელიც ქართველი ხალხისგან არსებობს უკრაინის მიმართ, ამ მხარდაჭერას ასეთი პასუხი აქვს, რომ ჯერ სააკაშვილი შემოგვიპარეს, ცდილობდნენ, რომ შევეყვანეთ ესკალაციაში რუსეთთან, გვითვლიდნენ უკრაინიდან, რომ იქნებ ჩვენც გაგვესეირნა სხვადასხვა ოკუპირებულ რეგიონებში და ასე ეპყრობიან ქართველ ხალხს.

აქ პრობლემა არ არის ამ ადამიანში, პრობლემაა იმ მეხუთე კოლონაში, რომელიც საქართველოში უცხო ქვეყნების დროშების ფრიალით არის დაკავებული. უკრაინას ვუსურვებ მშვიდობას“, - აღნიშნა შალვა პაპუაშვილმა.