ევროკავშირის ელჩი, რომელიც „ქრონიკის“ მიერ გაგზავნილ კითხვებს არასდროს პასუხობს, დამნაშავეებს საპატიმროებში წერილებს უგზავნის

ევროკავშირის ელჩი, რომელიც „ქრონიკის“ მიერ გაგზავნილ კითხვებს არასდროს პასუხობს, დამნაშავეებს საპატიმროებში წერილებს უგზავნის.

ევროკავშირის წარმომადგენლობისგან საპასუხო წერილი მსჯავრდებულმა ზვიად ცეცხლაძემ მიიღო. „დაფიონის“ დამფუძნებელი ცეცხლაძე ის აქტივისტია, რომელიც დეკემბრის ძალადობრივი აქციების დროს დააკავეს და არაერთ ვიდეოში განმარტავს, თუ როგორ უნდა გაუწიონ პოლიციას წინააღმდეგობა.

სასჯელაღსრულების დაწესებულებაში პატიმარ ცეცხლაძისთვის გაგზავნილ წერილში დიპლომატიური წარმომადგენლობა, პოლიტიკური გზავნილებით, სასამართლოს მიერ დამნაშავედ ცნობილი პატიმრების გათავისუფლებას ითხოვს. მათ შორის არის წერილის ადრესატი ზვიად ცეცხლაძე, რომელიც ერთ-ერთ ვიდეოში, სავარაუდოდ „მოლოტოვის კოქტეილის“ დამზადების ინსტრუქციას გასცემს.