ლევან მახაშვილი ევროპარლამენტის რეზოლუციაზე: ჩვენთვის ფასი ვერ ექნება ისეთ დოკუმენტს, რომლის მიხედვით, საქართველოს მოსახლეობის არჩევანს ჩალის ფასი აქვს,
პოლიტიკა

ლევან მახაშვილი
ფოტო: IMEDI/კადრი
ევროპარლამენტის კიდევ ერთი რეზოლუცია არის ცარიელი ქაღალდი, ცარიელი სიტყვები, რომელსაც არანაირი ფასი არ აქვს, - განაცხადა ევროპასთან ინტეგრაციის კომიტეტის თავმჯდომარემ ლევან მახაშვილმა. მისი თქმით, დოკუმენტი შეიცავს დეზინფორმაციას, არაერთ ტყუილს.
„მას ფასი და სამართლებრივი ძალა არ აქვს თავად ევროკავშირისთვის, რადგან შესასრულებლად სავალდებულო არ არის. ლოგიკურია, ჩვენთვის ფასი ვერ ექნება ისეთ დოკუმენტს, რომლის მიხედვით, საქართველოს მოსახლეობის არჩევანს ჩალის ფასი აქვს, ამიტომ, რა თქმა უნდა, ჩვენ ამ დოკუმენტს სერიოზულად არ აღვიქვამთ, მითუმეტეს რომ არ დოკუმენტში არაერთი დეზინფორმაცია, ტყუილი და უსამართლო შეტევაა საქართველოზე.
არც ვიზალიბერალიზაცია, არც ნებისმიერი სხვა მიღწევა, რომელიც საქართველოს აქვს ევროკავშირში ინტეგრაციის გზაზე, არ არის კონკრეტული სახელ-გვარის მფლობელობაში; ეს არის საქართველოს მოსახლეობის და ქვეყნის მფლობელობაში, ამიტომ, როდესაც შენ ამ ქვეყნისთვის სასარგებლო რაღაც საქმეს უტევ, მის წინააღმდეგ იბრძვი, ამით იბრძვი საკუთარი სახელმწიფოსა და მოსახლეობის წინააღმდეგ“, - აღნიშნა მახაშვილმა.





