ვატო შაქარიშვილი დროებითი საგამოძიებო კომისიის შექმნის ინიციატივაზე: არ მოიძებნება იმაზე უფრო მძიმე დანაშაული, ვიდრე პირადი კეთილდღეობის სანაცვლოდ ანგრევდე საკუთარ ქვეყანას და ეწეოდე ჯაშუშურ საქმიანობას

მისასალმებელია საგამოძიებო კომისიის შექმნა, რომელიც 2003-2012 წლებში ჩადენილ დანაშაულებს შეეხება. აუცილებლად უნდა მოხდეს მკაცრი სამართლებრივი რეაგირება იმ ჯაშუშურ საქმიანობაზე, რომელსაც 2012 წლის შემდეგ ოპოზიციაში, ასე ოთხ პარტიად დაშლილი ადამიანთა ჯგუფები ეწევიან, - განაცხადა „ერთიანი ნეიტრალური საქართველოს“ წევრმა, ვატო შაქარიშვილმა დროებითი საგამოძიებო კომისიის შექმნის ინიციატივაზე.

„მისასალმებელია საგამოძიებო კომისიის შექმნა, რომელიც 2003-2012 წლებში ჩადენილ დანაშაულებს შეეხება და აუცილებლად უნდა მოხდეს ასევე მკაცრი სამართლებრივი რეაგირება იმ დანაშაულებზე, იმ ჯაშუშურ საქმიანობაზე, რომელსაც წლებია 2012 წლის შემდეგ, ოპოზიციაში ასე ოთხ პარტიად დაშლილი ადამიანთა ჯგუფები ეწევიან იმიტომ, რომ არ შეიძლება, არ მოიძებნება იმაზე უფრო მძიმე დანაშაული, ვიდრე სხვისი ინტერესების სანაცვლოდ, ფულის სანაცვლოდ და პირადი კეთილდღეობის სანაცვლოდ ანგრევდე საკუთარ ქვეყანას და ეწეოდე ჯაშუშურ საქმიანობას“, - განაცხადა შაქარიშვილმა.

„ერთიანი ნეიტრალური საქართველოს“ წევრები მმართველი გუნდის ინიციატივას იწონებენ, თუმცა ამბობენ რომ ეს საკმარისი არ არის. საზოგადოებრივი მოძრაობა საჩივარს ჯაშუშურ საქმიანობაში ჩართული პოლიტიკოსების წინააღმდეგ ამზადებს, რომელსაც პროკურატურაში შეიტანენ.