აშშ-ის სახელმწიფო დეპარტამენტი: კვლავ მოვუწოდებთ საქართველოს მთავრობას, დაუბრუნდეს ევროატლანტიკურ გზას, გამჭვირვალედ გამოიძიოს საპარლამენტო არჩევნებში გამოვლენილი ყველა დარღვევა და გააუქმოს ანტიდემოკრატიული კანონები

კვლავ მოვუწოდებთ საქართველოს მთავრობას, დაუბრუნდეს ევროატლანტიკურ გზას, გამჭვირვალედ გამოიძიოს საპარლამენტო არჩევნებში გამოვლენილი ყველა დარღვევა და გააუქმოს ანტიდემოკრატიული კანონები, რომლებიც ზღუდავს შეკრებისა და გამოხატვის თავისუფლებას, - ნათქვამია შეერთებული შტატების სახელმწიფო დეპარტამენტის განცხადებაში.

მასში ასევე აღნიშნულია, რომ „ქართული ოცნების“ გადაწყვეტილება საქართველოს ევროკავშირში გაწევრიანების პროცესის შეჩერების შესახებ ეწინააღმდეგება ქართველი ხალხისადმი კონსტიტუციაში დაფიქსირებულ დაპირებას ევროკავშირსა და ნატოში სრულფასოვან ინტეგრაციაზე.

სახელმწიფო დეპარტამენტი მოუწოდებს ყველა მხარეს, უზრუნველყონ, რომ საპროტესტო აქციები მშვიდობიანი დარჩეს.

განცხადებაში ასევე ნათქვამია, რომ „ქართული ოცნების“ ქმედებებმა დაარღვია აშშ-საქართველოს სტრატეგიული პარტნიორობის ძირითადი პრინციპები და შედეგად, შეერთებულმა შტატებმა შეაჩერა ეს მექანიზმი.

„კვლავ მოვუწოდებთ საქართველოს მთავრობას, დაუბრუნდეს ევროატლანტიკურ გზას, გამჭვირვალედ გამოიძიოს საპარლამენტო არჩევნებში გამოვლენილი ყველა დარღვევა და გააუქმოს ანტიდემოკრატიული კანონები, რომლებიც ზღუდავს შეკრებისა და გამოხატვის თავისუფლებას“, - აცხადებს სახელმწიფო დეპარტამენტი.