მამუკა მდინარაძე: ადამიანს, რომელიც ამბობს, რომ დისტანციურად მივიღოთ გადაწყვეტილებები, საარჩევნო კოდექსთან დაკავშირებით კონსტიტუცია არ გადაუშლია

ბოლო დღეებში მოვისმინეთ რამდენიმე მოწოდება, რომ დისტანციურად მივიღოთ გადაწყვეტილებები. მოკლედ ვიტყვი, იმ ადამიანს, რომელიც ამბობს, რომ დისტანციურად მივიღოთ გადაწყვეტილებები, არ გადაუშლია, არც კონსტიტუცია და არც რეგლამენტი, - ამის შესახებ მამუკა მდინარაძემ ბიუროს სხდომაზე ისაუბრა.

საქართველოს პარლამენტის თავმჯდომარის მოადგილემ განმარტა, რომ საარჩევნო კოდექსში შესატანი ცვლილებების განხილვა დისტანციურად ვერ მოხდება. მან ასევე მოუწოდა მოქალაქეებს მაქსიმალურად დაემორჩილონ არსებულ შეზღუდვებს.

ჩვენ ყველამ ვიცით, რომ შევდივართ კრიტიკულ ფაზაში. ჩვენ დღეს შეზღუდვები და რეკომენდაციები, მათ შორის მკაცრი შეზღუდვები, გვჭირდება იმისთვის, რომ ეს შეზღუდვები რაც შეიძლება მალე მოვხსნათ. იმისათვის, რომ ეკონომიკამ იმუშაოს და იმისათვის, რომ რეცესიის მოსალოდნელის და უკვე არსებულის, ხარისხი რაც შეიძლება შემცირდეს. ამიტომ ასევე კრიტიკულად მნიშვნელოვანია, ყველა მოქალაქეს მოვუწოდოთ, შეასრულონ რეკომენდაციები მაქსიმალურად. იმისათვის, რომ ეკონომიკის სხვადასხვა სფერო ამუშავდეს და დავუბრუნდეთ ძველ რიტმს“, - განაცხადა მდინარაძემ.