ჭუბერში ადიდებულმა ნენსკრამ სოფლის დამაკავშირებელი ხიდი დააზიანა. ვიდეო

ჭუბერში ძლიერი წვიმის შედეგად მდინარე ნენსკრას შენაკადი დევრულა ადიდდა, რამაც სოფელების ყარისა და სგურიშის დამაკავშირებელი ხიდი დააზიანა.

imedinews-ის ინფორმაციით, მდინარე კალაპოტიდან გადმოვიდა და გზის სავალი ნაწილი დატბორა. დაშავებულების შესახებ ინფორმაცია არ ვრცელდება.

მომხდარზე სხვა დეტალები ჯერ უცნობია. შემთხვევის ადგილზე გაწმენდითი სამუშაოები მიმდინარეობს.