როგორ უახლოვდებიან ერთმანეთს რუსული და უკრაინული სამხედრო ხომალდები ქერჩის სრუტეში. ვიდეო

რუსულმა ტელეკომპანიამ გაავრცელა რუსეთის უშიშროების სამსახურის კადრები, რომლებზეც ჩანს როგორ უახლოვდებიან ერთმანეთს შავ ზღვაში, ქერჩის სრუტესთან რუსეთისა და უკრაინის სამხედრო ხომალდები.

უკრაინის სამხედრო საზღვაო ძალების გიურზას კლასის დაჯავშნული ხომალდები ქერჩის სრუტისკენ რამდენიმე საათის წინ გადაადგილდებოდნენ. მათი მისია დანარჩენი სამი უკრაინული ხომალდის გამაგრება იყო, რომლებიც იმავე მიმართულებით დილის შვიდ საათზე გაცურდნენ.

რუსეთმა ეს საზღვრის დარღვევად და პროვოკაციად შეაფასა. რუსული მედიის ცნობით, „ფეესბეს“ სასაზღვრო სამსახურები მის აღსაკვეთად ყველა ზომას იღებენ.

უკრაინული მხარე ირწმუნება, რომ საარტილერიო კატერები - „ბორდიანსკი“ და „ნიკოპოლი“, ასევე საბუქსირო გემი „იანი კაპუ“ ოდესის პორტიტად მარიოპოლში გეგმურად გადადიოდნენ, რის შესახებ წინასწარ იყო ცნობილი. რუსულმა გემმა კი ბუქსირი დააზიანა.

უკრაინის საგარეო უწყებაში აცხადებენ, რომ რუსეთმა გაეროს საზღვაო წესი დაარღვია.

ქერჩის სრუტე სამოქალაქო გემებისთვის უსაფრთხოების მიზნით დაიკეტა.