დიდი ბრიტანეთის 2 ევროსკეპტიკოსი მინისტრის შემდეგ თანამდებობა კიდევ ერთმა ჩინოსანმა დატოვა

დიდი ბრიტანეთის საპარლამენტო მდივანი ტრანსპორტის დეპარტამენტში კრის გრინი დაკავებული თანამდებობიდან გადადგა. მიზეზი პრემიერმინისტრ ტერეზა მეის Brexit-ის გეგმა გახდა. ამის შესახებ კრის გრინის Twitter-ზე ვკითხულობთ.

I have handed in my resignation to the Prime Minister as PPS. Brexit must mean Brexit pic.twitter.com/zncKir9AsB

— Chris Green (@CGreenUK) July 9, 2018

მისი განმარტებით, Brexit-ი მხოლოდ იურიდიული თვალსაზრისით არ უნდა არსებობდეს და რომ ტერეზა მეიმ ამ საკითხზე პარლამენტის წევრების დარწმუნება ვერ შეძლო. შეხვედრამ უკმაყოფილების ფონზე ჩაიარა.

მანამდე ტერეზა მეის სპიკერმა განმარტა, რომ დიდი ბრიტანეთის პრემიერმინისტრი შეებრძოლება ნებისმიერ მცდელობას, რომელიც მისი, როგორც ლიდერის პოზიციებს შერყევას ემსახურება.

კრის გრინამდე თანამდებობა ორმა ევროსკეპტიკოსმა მინისტრმა დატოვა. მიზეზი ამ შემთხვევაშიც მეის Brexit-ის გეგმა იყო.

პირველად ეს ნაბიჯი დევიდ დევისმა, ხოლო შემდეგ ბორის ჯონსონმა გადადგეს.

გაერთიანებული სამეფოს ევროკავშირიდან გასვლის შესახებ რეფერენდუმი 2016 წლის 23 ივნისს ჩატარდა. ამ გადაწყვეტილებას მხარი დაუჭირა პლებისციტში მონაწილე მოქალაქეების ნახევარზე მეტმა, რის შემდეგაც მაშინდელი პრემიერმინისტრი დევიდ კამერონი გადადგა - ის ევროკავშირიდნ გასვლას ეწინააღმდეგებოდა. მისი ადგილი ტერეზა მეიმ დაიკავა.

ლონდონსა და ბიუსელს შორის Brexit-ის პირობების შესახებ ოფიციალური მოლაპარაკებები გასული წლის 19 ივნისს დაიწყო. დიდი ბრიტანეთის პრემიერმინისტრმა, ტერეზა მეიმ ქვეყნის ევროკავშირიდან გასვლის პროცედურის შესახებ დოკუმენტს ხელი 29 მარტს მოაწერა.

გარდამავალი პერიოდი 2019 წლის 29 მარტს დაიწყება. სწორედ ამ დღეს დატოვებს დიდი ბრიტანეთი ევროკავშირს ოფიციალურად.