Hewlett-Packard-ში მოსახვედრად დაწერილი სტივ ჯობსის განცხადება აუქციონზე გაიყიდება

კომპიუტერული ინდუსტრიის წამყვანი ფიგურისა და გამომგონებლის სტივ ჯობსის განცხადება აუქციონზე გაყიდება. ლაპარაკია, კონკრეტილ ვაკანტური პოზიციაზე მოსახვედრად დაწერილ განცხადებაზე, რომელიც სტივ ჯობსა 1973 წელს შეავსო. ლოტი კომპანია Hewlett-Packard-ის კუთვნილებაა. ინფორმაციას Cnet-ი ავრცელებს.

ვარაუდობენ, რომ ლოტის ღირებულება 50 000 დოლარი იქნება. განცხადებაში მითითებული არაა იმ პოზიციის შესახებ, რომლის დაკავებაც სტივ ჯობს სურდა და ამბობენ იმასაც, რომ კომპანიის სახელი სტივ ჯობსმა არასწორად დაწერა. უნარ-ჩვევების სვეტში კი წერია, რომ მას "კომპიუტერსა და კალკულატორთან მუშაობა შეუძლია."

აუქციონზე, რომელიც 8 მარტიდან 15 მარტის ჩათვლით გაიმართება, სტივ ჯობსის სხვა ნივთებსაც გაიტანენ. ასევე იქნება წარდგენილი Mac OS X- ის ტექნიკურ სახელმძღვანელო ჯობსის ხელმოწერით და ჯობსის კუთვნილი 2008 წლის გაზეთის ნომერი, რომელშიც წერია, რომ ჯობსი სიტყვით გამოვიდა Apple Worldwide Developers Conference-ზე. ამ ორი ლოტის ღირებულება 25 000 და 15 000 დოლარზე მეტია.

სტივენ პოლ ჯობსი 1955 წელს სან-ფრანცისკოში დაიბადა. კომპიუტერული ინდუსტრიის წამყვანი ფიგურა და გამომგონებელი იყო. ის იყო Apple-ის თანადამფუძნებელი, თავმჯდომარე და მთავარი აღმასრულებელი დირექტორი.

2011 წლის 5 ოქტომბერს, სტივ ჯობსი პანკრეატული სიმსივნისგან გარდაიცვალა 56 წლის ასაკში.