ლიბანის არმიის განცხადებით, სამხედროებმა ბეირუთის სამხრეთ გარეუბანში, რომელიც „ჰეზბოლას“ საყრდენს წარმოადგენს, იარაღის საწყობი დაარბიეს და „დიდი რაოდენობით იარაღი და საბრძოლო მასალა“ ამოიღეს

ლიბანის არმიის განცხადებით, სამხედროებმა ბეირუთის სამხრეთ გარეუბანში, რომელიც „ჰეზბოლას“ საყრდენს წარმოადგენს, იარაღის საწყობი დაარბიეს და „დიდი რაოდენობით იარაღი და საბრძოლო მასალა“ ამოიღეს.

როგორც ლიბანის შეიარაღებულ ძალებში აცხადებენ, „უსაფრთხოების ოპერაცია“ მშარაფიეს უბანში ჩატარდა, რომლის დროსაც ერთი ეჭვმიტანილი დააკავეს.

არმიის ცნობით, ოპერაციას წინ უძღოდა „იარაღის გადაზიდვებისა და ტრეფიკინგის მონიტორინგი“.

ქვეყნის სამართალდამცავმა უწყებებმა მომხდარზე გამოძიება უკვე დაიწყეს.