Bloomberg: რუსეთს აღარ სჯერა, რომ დონალდ ტრამპი შეძლებს აიძულოს უკრაინა, მიიღოს სამშვიდობო შეთანხმება მოსკოვის პირობებით, და აშშ-ის არჩევნების შემდეგ უკრაინაზე დარტყმების გაძლიერებას გეგმავს

რუსეთს აღარ სჯერა, რომ დონალდ ტრამპი შეძლებს აიძულოს უკრაინა, მიიღოს სამშვიდობო შეთანხმება მოსკოვის პირობებით, და აშშ-ის არჩევნების შემდეგ უკრაინაზე დარტყმების გაძლიერებას გეგმავს. ამის შესახებ Bloomberg-ი ინფორმირებულ წყაროებზე დაყრდნობით წერს.

გამოცემის ცნობით, თუ შუალედური არჩევნების შედეგებით ტრამპის პოზიციები შესუსტდება, ამან შესაძლოა არსებითი გავლენა იქონიოს უკრაინის წინააღმდეგ რუსეთის ომის მსვლელობაზე.

კრემლი შეეცდება იპოვოს გზები ამერიკული სანქციების შემდგომი შემსუბუქებისთვის და ეცდება დაარწმუნოს ტრამპი, რომ შეერთებულ შტატებსა და რუსეთს შეუძლიათ ბიზნესურთიერთობების წარმოება უკრაინაში ომის დასრულებამდეც.

ამასთან, ნაკლებად სავარაუდოა, რომ შესუსტებულმა ტრამპმა უფრო აქტიურად დაუჭიროს მხარი უკრაინასა და ევროპას, თუ „რესპუბლიკური“ პარტია კონგრესის არჩევნებში „დემოკრატებთან“ დამარცხდება.

„მან შესაძლოა დაკარგოს მანევრირების სივრცე, რათა ზელენსკის გარიგება აიძულოს - ეს კი, თავის მხრივ, პუტინს ხელ-ფეხს გაუხსნის უკრაინის ენერგეტიკულ ინფრასტრუქტურაზე თავდასხმების გასაძლიერებლად“, - აღნიშნავს გამოცემა.