პუტინი: რუსეთს ევროპასთან ომი არ სურს, მაგრამ ამისთვის მზადაა

ევროპაში ბევრი მხოლოდ იმაზე საუბრობს, რომ 2030 წლისთვის ომისთვის უნდა მოემზადონ - რუსეთი ამისთვის მზად არის, თუმცა ევროპასთან ომი არ სურს. ამის შესახებ რუსეთის პრეზიდენტმა, ვლადიმირ პუტინმა რუსეთ-აფრიკის სამიტის შედეგების შეჯამებისას, პრესკონფერენციაზე განაცხადა.

„ბევრი მხოლოდ იმაზე საუბრობს, რომ 2030 წლისთვის ომისთვის უნდა მოემზადონ. სწორია ეს თუ არა?“ - დასვა კითხვა რუსეთის პრეზიდენტმა.

პუტინის თქმით, მიუხედავად იმისა, რომ რუსული მხარე მზადყოფნაშია, მას ევროპასთან შეიარაღებული კონფლიქტი არ სურს.

„ჩვენ, პირველ რიგში, მზად ვართ, მაგრამ ევროპასთან არანაირი ომი არ გვსურს“, - ხაზგასმით აღნიშნა მან.