რეჯეფ თაიფ ერდოღანი: პოლიტიკასა და საგარეო პოლიტიკაში ჩვენი ერთადერთი კომპასი თურქეთის ინტერესებია

თურქეთის პრეზიდენტის, რეჯეფ თაიფ ერდოღანის განცხადებით, ქვეყნის შიდა და საგარეო პოლიტიკაში ერთადერთი კომპასი სახელმწიფოსა და ხალხის ინტერესებია. ევროპაში განვითარებული მოვლენების ფონზე, ერდოღანი აცხადებს, რომ არსებობენ ძალები, რომლებიც რეგიონში არეულობის ექსპორტირებას ცდილობენ.

„პოლიტიკასა და საგარეო პოლიტიკაში ჩვენი ერთადერთი კომპასი თურქეთის ინტერესებია. თუნდაც ამას გარკვეული საფასურის გადახდა დასჭირდეს, ჩვენ არასდროს ვიყოყმანებთ, გავაკეთოთ ის, რაც სწორი და სასარგებლოა თურქეთისა და თურქი ერისთვის.

ეს არის მშვიდობის ნავსაყუდელი რეგიონში. თუ არიან ისეთები, რომლებიც ევროპის ზოგიერთ ქვეყანაში განვითარებული მოვლენებით გამხნევებულნი, მსგავსი მცდელობის განხორციელებაზე ოცნებობენ, მათ უნდა იცოდნენ, რომ თურქეთი ქუჩაში არ უპოვიათ და არც ისეთი ქვეყანაა, რომელიც ქუჩას გადაეცემა“, - აღნიშნა რეჯეფ თაიფ ერდოღანმა.