ევროკავშირმა ესტონეთის თხოვნით რუსული კომპანია სანქციების სიიდან ამოიღო

„რადიო თავისუფლების“ ევროპის ბიუროს რედაქტორმა რიკარდ იოზვიაკმა სოციალურ ქსელ X-ში დაწერა, რომ ევროკავშირის რუსეთის წინააღმდეგ სანქციების ახალი სიიდან, რომელშიც 743 ფიზიკური და 826 იურიდიული პირია შეყვანილი, ესტონეთის მოთხოვნით ამოიღეს რუსული კომპანია, რომელიც ესტონურ კომპანია Silmet-ს იშვიათ ლითონებს აწვდის.

„ესტონეთის მოთხოვნით, თავდაპირველი წინადადებიდან ერთი კომპანია და ერთი პირი ამოიღეს. საქმე ეხება რუსულ კომპანიას, რომელიც იშვიათ ლითონებს აწვდის ესტონურ კომპანია Silmet-ს. Silmet ამ მასალას ევროკავშირში, მ

ათ შორის ქარის ტურბინებისთვის საჭირო პროდუქციის წარმოებაში იყენებს. ახლა კომპანია იშვიათი ლითონების ალტერნატიული მომწოდებლების მოძიებას ცდილობს“, - დაწერა იოზვიაკმა.

ცნობისთვის, ევროკავშირის წევრი ქვეყნების ელჩებმა გუშინ რუსეთის წინააღმდეგ სანქციების ახალი პაკეტი შეათანხმეს. ევროკავშირის საგარეო საქმეთა მინისტრებმა ეს გადაწყვეტილება 12 ოქტომბრის სხდომაზე ოფიციალურად უნდა დაამტკიცონ.