POLITICO-ს ცნობით, ევროკომისია ევროკავშირის გაფართოების პროცესის დაჩქარების ახალი ინიციატივით გამოდის - კანდიდატ ქვეყნებს შესაძლებლობა ექნებათ სრულუფლებიან წევრობამდე ევროკავშირის ერთიან ბაზარზე წვდომა ეტაპობრივი ინტეგრაციის ფარგლებში მიიღონ

POLITICO-ს ცნობით, ევროკომისია ევროკავშირის გაფართოების პროცესის დაჩქარების ახალი ინიციატივით გამოდის.

კანდიდატ ქვეყნებს შესაძლებლობა ექნებათ სრულუფლებიან წევრობამდე, ევროკავშირის ერთიან ბაზარზე წვდომა ეტაპობრივი ინტეგრაციის ფარგლებში მიიღონ.

გამოცემის მიერ მოპოვებული მასალების მიხედვით, გაფართოების პროცესში მყოფი სახელმწიფოები ისარგებლებენ უბარიერო ვაჭრობითა და ევროპულ კვლევით პროგრამებში მონაწილეობის უფლებით, თუმცა, კანდიდატი ქვეყნები დემოკრატიული უკუსვლის შემთხვევაში, ამ უპირატესობას დაკარგავენ.

ასევე, ინიციატივის მთავარი პირობაა, რომ კანდიდატმა ქვეყნებმა მხარი უნდა დაუჭირონ ევროკავშირის პოზიციას მტრულად განწყობილი სახელმწიფოებისა და გლობალური ეკონომიკური კონკურენტების მიმართ.