ნეპალის პრემიერი: ეჭვგარეშეა, რომ კლიმატის ცვლილებამ ხელი შეუწყო ნეპალში მომხდარ კატასტროფულ წყალდიდობას

ეჭვგარეშეა, რომ კლიმატის ცვლილებამ ხელი შეუწყო ნეპალში მომხდარ კატასტროფულ წყალდიდობას, - განაცხადა ქვეყნის პრემიერ-მინისტრმა, ბალენდრა შაჰმა.

შაჰის თქმით, კლიმატის ცვლილებამ ჰიმალაის რეგიონში ტემპერატურა 1.8 გრადუს ცელსიუსამდე გაზარდა.

„ეჭვგარეშეა, რომ კლიმატის ცვლილება ამ კატასტროფის ერთ-ერთი ფაქტორია“, - განაგრძო მან.

შაჰის აღნიშვნით, ექსპერტები ვარაუდობენ, რომ წყალდიდობა ყინულისა და თოვლის ზვავმა გამოიწვია.

„დადგა დრო, არა მხოლოდ ეს რეგიონი იყოს უფრო ფხიზლად, არამედ საერთაშორისო საზოგადოების წინაშეც მკაფიოდ დავაყენოთ ის კატასტროფები, რომელთა წინაშეც კლიმატის ცვლილების გამო იძულებით ვდგავართ. რატომ ჩამოიშალა ყინული და კლდე? საიდან მოვიდა ამდენი წყალი? კაცობრიობამ ამ კითხვებს პასუხი უნდა გასცეს“, - განაცხადა მან.