რუბიო: უკრაინაში ომის დასრულებისთვის, მოლაპარაკებების ჩიხიდან გამოსასვლელად „ახალი იდეებია“ საჭირო

აშშ-ის სახელმწიფო მდივნის მარკო რუბიოს განცხადებით, უკრაინაში ომის დასრულებაზე შეთანხმების მისაღწევად საჭიროა მოლაპარაკებების მაგიდაზე „ახალი იდეების“ წარდგენა.

რუბიოს თქმით, აქამდე წარმოდგენილი წინადადებები „იმ მომენტში უკრაინისთვის მისაღები არ იყო და, ვფიქრობ, არც ახლა იქნება მათთვის მისაღები - ფაქტობრივად, შესაძლოა, კიდევ უფრო ნაკლებადაც კი“.

„თუ ოდესმე მშვიდობა დამყარდება, ეს იქნება რომელიმე ახალი იდეისა და ახალი კონცეფციის საფუძველზე. ჩვენ მზად ვართ, შესაბამის გარემოებებში და სათანადო ფორმით, შესაძლებლობის გაჩენისა და შესაბამისი პირობების არსებობის შემთხვევაში, ზოგიერთი ასეთი წინადადება წარვადგინოთ. მზად ვართ, ეს როლი პოზიტიური გზით შევასრულოთ“, - განუცხადა რუბიომ ჟურნალისტებს.