ფინეთის პრეზიდენტის განცხადებით, ევროპამ რუსეთთან მოლაპარაკება უნდა დაიწყოს

ფინეთის პრეზიდენტი ალექსანდრ სტუბი ფიქრობს, რომ ევროპამ რუსეთთან მოლაპარაკება უნდა დაიწყოს.

აღნიშნული განცხადება სტუბმა კენიის პრეზიდენტთან უილიამ რუტოსთან ერთობლივ პრესკონფერენციაზე გააკეთა.

როგორც ფინეთის ლიდერმა აღნიშნა, მოლაპარაკებებზე ევროპას საფრანგეთი, გერმანია და გაერთიანებული სამეფო უნდა წარმოადგენდნენ, ისეთმა ქვეყნებმა კი, როგორიც ფინეთია, პროცესს ხელი უნდა შეუწყონ.

„ამჟამად ჩვენ ისეთ სიტუაციაში ვართ, როდესაც უკრაინას სამხედრო, პოლიტიკური და ეკონომიკური თვალსაზრისით ძლიერი პოზიცია უკავია. ამიტომ მჯერა, დროა ევროპა დაუკავშირდეს რუსეთის ხელმძღვანელობას, უფრო კონკრეტულად კი, პრეზიდენტ პუტინს, დიპლომატიური მოლაპარაკებების წარმოებისთვის“, - აღნიშნა სტუბმა.