ტრამპი აცხადებს, რომ აშშ ირანის „ახალ და უფრო გონიერ რეჟიმთან“ სერიოზულ მოლაპარაკებებს აწარმოებს

დონალდ ტრამპი აცხადებს, რომ აშშ „სერიოზულ მოლაპარაკებებს“ აწარმოებს ირანის ახალ რეჟიმთან, რამაც, აშშ-ის პრეზიდენტის თქმით, შესაძლოა ირანში ამერიკის სამხედრო ოპერაცია დაასრულოს.

პლატფორმა Truth Social-ზე გამოქვეყნებულ პოსტში ტრამპი წერს:

„ამერიკის შეერთებული შტატები აწარმოებს სერიოზულ მოლაპარაკებებს ახალ და უფრო გონიერ რეჟიმთან ირანში ჩვენი სამხედრო ოპერაციების დასასრულებლად.

მიღწეულია დიდი პროგრესი, მაგრამ თუ რაიმე მიზეზით შეთანხმებას მალე არ მივაღწიეთ (რაც, ალბათ, მაინც მოხდება) და თუ ჰორმუზის სრუტე დაუყოვნებლივ არ გაიხსნება ბიზნესისთვის, ჩვენ დავასრულებთ ჩვენს მშვენიერ სტუმრობას ირანში მათი ყველა ელექტროსადგურის, ნავთობის ჭაბურღილისა და კუნძულ ხარკის (და შესაძლოა ყველა გამამტკნარებელი ქარხნის!) აფეთქებითა და სრული განადგურებით, რომლებსაც ჩვენ მიზანმიმართულად ჯერ არ შევხებივართ.

ეს იქნება შურისძიება ჩვენი მრავალი ჯარისკაცისა და სხვების გამო, რომლებიც ირანმა დახოცა და მოკლა ძველი რეჟიმის 47-წლიანი „ტერორის მმართველობის“ პერიოდში“, - წერს ტრამპი.