თურქეთის თავდაცვის სამინისტრო: ირანმა თურქეთის მიმართულებით ბალისტიკური რაკეტა გაუშვა, რომელიც ნატოს საჰაერო თავდაცვის სისტემებმა გაანეიტრალეს

თურქეთის დავდაცვის სამინისტრო განცხადებას ავრცელებს, სადაც ნათქვმია, რომ ირანმა თურქეთის მიმართულებით ბალისტიკური რაკეტა გაუშვა, რომელიც ნატოს საჰაერო თავდაცვის სისტემებმა ჩამოაგდეს.

„ირანიდან გაშვებული ბალისტიკური საბრძოლო საშუალება, რომელიც თურქეთის საჰაერო სივრცეში შევიდა, განეიტრალდა ნატოს საჰაერო და სარაკეტო თავდაცვის სისტემების მიერ, რომლებიც აღმოსავლეთ ხმელთაშუა ზღვის რეგიონშია განთავსებული. არ არიან დაღუპულები ან დაშავებულები.

თურქეთი დიდ მნიშვნელობას ანიჭებს კეთილმეზობლურ ურთიერთობებსა და რეგიონულ სტაბილურობას. თუმცა, კიდევ ერთხელ ვუსვამთ ხაზს, რომ ჩვენი ქვეყნის ტერიტორიისა და საჰაერო სივრცის წინააღმდეგ მიმართული ნებისმიერი საფრთხის შემთხვევაში ყველა აუცილებელი ზომა მიიღება მტკიცედ და დაუყოვნებლივ. ასევე, კვლავ ვაცხადებთ, რომ ყველას ინტერესებშია, გაითვალისწინოს თურქეთის გაფრთხილებები ამ საკითხთან დაკავშირებით“,- ნათქვამია განცხადებაში.