როუჰანი საპროტესტო აქციების ფონზე ირანის კარგ ეკონომიკურ მაჩვენებლებზე ლაპარაკობს

ირანის პრეზიდენტმა ჰასან როუჰანიმ ქვეყანაში მიმდინარე საპროტესტო აქციების ფონზე განაცხადა, რომ ხელისუფლება ქვეყნის ეკონომიკური მდგომარეობის გაუმჯობესებაზე მუშაობს. ინფორმაციას Trend News Agency ავრცელებს.

როუჰანმა ირანის ეკონომიკის შესახებ პარლამენში ილაპარაკა. მისი თქმით, ირანის ამ დროისთვის არსებული ეკონომიკური მაჩვენებლები გაცილებით უკეთესია, ვიდრე საშუალო გლობალური ეკონომიკური მაჩვენებელი, თუმცა ეს იმას არ ნიშნავს, რომ ხელისუფლება მდგომარეობით კმაყოფილია.

"ირანის ეკონომიკა პირველი ექვსი თვის განმავლობაში 6 პროცენტით გაიზარდა, ხოლო სხვა ქვეყნებში საშუალო მაჩვენებელი ორი ან სამი პროცენტია", - განაცხადა ჰასან როუჰანიმ.

ირანში ბოლო 8 წლის განმავლობაში ყველაზე მასშტაბური საპროტესტო აქციები მიმდინარეობს. აქციების ტალღა ერთ-ერთ ქალაქში პროდუქტების გაძვირების გამო დაიწყო, რამდენიმე დღეში კი მთელ ქვეყანას მოედო და პოლიტიკურ მოთხოვნებში გადაიზარდა.

ქვეყნის პრეზიდენტმა მოქალაქეებს სიმშვიდისკენ მოუწოდა, თუმცა ბოლო ინფორმაციით, აქციების დროს დაღუპულთა რიცხვი 12 გაიზარდა. ირანის ხელისუფლება ამერიკის შეერთებული შტატების პრეზიდენტმა გააკრიტიკა.

31 დეკემბერს, ირანში Telegram-ის მესინჯერი და სოციალური ქსელი Instagram-ი დაბლოკეს. მთავრობამ ეს გადაწყვეტილება "მშვიდობისა და მოსახლეობის უსაფრთხოების" მხარდაჭერის აუცილებლობით ახსნა.