The New York Times: აშშ-მა ახლო აღმოსავლეთში ბაზებიდან ჯარების ევაკუაცია დაიწყო

ამერიკული გამოცემა The New York Times-ი პენტაგონის ოფიციალურ პირებზე დაყრდნობით იუწყება, რომ კატარში მდებარე ალ-უდეიდის ბაზიდან ასობით ამერიკელი სამხედრო იყო ევაკუირებული.

გამოცემის ცნობით, ჯარების ევაკუაცია ასევე განხორციელდა ბაჰრეინის ბაზებიდან, სადაც სამხედრო-საზღვაო ძალების მე-5 ფლოტია განთავსებული.

The New York Times-ი დასძენს, რომ ამერიკელი სამხედროები აღარ იმყოფებიან ერაყის, სირიის, ქუვეითის, საუდის არაბეთის, იორდანიისა და არაბთა გაერთიანებული საამიროების ბაზებზე.

ეს ნაბიჯი განიხილება, როგორც პრევენციული ზომა ირანზე აშშ-ის შესაძლო დარტყმის წინ, რადგან მოსალოდნელია, რომ მსგავს თავდასხმაზე თეირანმა რეგიონში მყოფ ამერიკულ პერსონალზე იერიშით უპასუხოს.