ვენესუელის ვიცე-პრეზიდენტმა ნიკოლას მადუროს გათავისუფლება მოითხოვა

ვენესუელის ვიცე-პრეზიდენტმა, დელსი როდრიგესმა პრესკონფერენციაზე ნიკოლას მადუროს - „ვენესუელის ერთადერთი პრეზიდენტის“ - გათავისუფლება მოითხოვა. ინფორმაციას ამის შესახებ ესპანური გამოცემა El Pais-ი ავრცელებს.

მან აღნიშნა, რომ „ექსტრემისტებს, რომლებმაც ჩვენი ქვეყნის წინააღმდეგ ეს შეიარაღებული აგრესია წამოიწყეს, ისტორია საკადრისს მიუზღავს“.

მან ასევე განაცხადა, რომ ვენესუელა „არავის კოლონია არ გახდება“.

„ის, რაც ვენესუელის წინააღმდეგ ხდება, არის ბარბაროსობა, რომელიც საერთაშორისო სამართალს არღვევს“, - დასძინა მან.