ისააკ ჰერცოგმა ავსტრალიის მთავრობას ანტისემიტიზმთან ბრძოლის გაძლიერებისკენ მოუწოდა

სიდნეიში მომხდარ თავდასხმას ისრაელის პრეზიდენტი გამოეხმაურა. ისააკ ჰერცოგმა გარდაცვლილთა ოჯახებს მიუსამძიმრა და დაშავებულებს გამოჯანმრთელება უსურვა. ავსტრალიის ხელისუფლებას მან ანტისემიტიზმთან ბრძოლის გაძლიერებისკენ მოუწოდა.

„ჩვენ ისევ და ისევ ვიმეორებთ ჩვენს გაფრთხილებებს ავსტრალიის მთავრობის მიმართ, რათა მიიღონ ზომები და ებრძოლონ ანტისემიტიზმის უზარმაზარ ტალღას, რომელიც ავსტრალიურ საზოგადოებას ტანჯავს“, - განაცხადა მან.

სიდნეის პლაჟზე, სადაც ებრაული დღესასწაულის, ხანუქისადმი მიძღვნილი ღონისძიება ტარდებოდა, სროლა გახსნეს. ბოლო მონაცემებით, თავდასხმას 12 ადამიანი ემსხვერპლა.